Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Visar Korenica ka reaguar kundër vendimit të Radio Televizionit të Kosovës për të censuruar spotin e Koalicionit për Familjen, duke e cilësuar këtë veprim si një akt të rëndë kundër lirisë së shprehjes dhe pluralizmit politik. Ky akt, i ndikuar nga presionet politike të pushtetit, përkujton mentalitetin e kontrollit shtetëror mbi mediat, të ngjashëm me praktikat e regjimeve komuniste. RTK, si medium publik, duhet të pasqyrojë paanshmëri duke respektuar të gjitha opinionet dhe alternativat politike. Vendimi për të ndaluar spotin e Koalicionit për Familjen, i cili bazohet në Ligjin për Familjen të Kosovës dhe reflekton bindjet e shumicës së qytetarëve, është cilësuar si një shkelje e rëndë e lirisë së shprehjes dhe një akt diskriminues. Korenica i ka bërë thirrje KPM, që të ndërhyjë për të ndaluar këtë praktikë të papranueshme dhe për të garantuar funksionimin demokratik të mediave. Nëse kjo censurë nuk ndalet, pasojat për demokracinë në vend do të jenë të rënda, duke theksuar se “Liria e shprehjes nuk është e negociueshme!” Korenica u bën thirrje qytetarëve dhe institucioneve që të reagojnë në kohë për të parandaluar përhapjen e një mentaliteti censurues, duke shtuar se nesër viktima mund të jetë një tjetër grup apo individ.
