Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rikthimi i Donald Trumpit në pushtet, po ngjall diskutime mbi qasjen e administratës së tij ndaj Ballkanit Perëndimor dhe Kosovës në veçanti. Ish-këshilltari i tij për sigurinë, John Bolton, në një intervistë ekskluzive në A2 CNN, foli mbi prioritetet e mundshme amerikane në rajon. Bolton vlerësoi mundësinë e rihapjes së propozimit për korrigjimin e kufijve mes Kosovës dhe Serbisë, duke theksuar nevojën për një marrëveshje të dyanshme. Ai sugjeroi se paqja dhe stabiliteti në Evropën Lindore, të përfshirë nga lufta në Ukrainë, mund të ndikojnë në përparësitë e reja të administratës Trump. Diskutimet gjithashtu përfshijnë shqetësimet për ndikimin e investimeve të Xhared Kushner në Shqipëri dhe Serbi, si dhe përmbysjen e mundshme të vendimeve “non grata” për disa figura politike rajonale. Bolton vuri në dukje se ndërhyrja direkte e kryetarit Trump mund të jetë një katalizator për zgjidhjen e mosmarrëveshjeve në rajon.
