Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Albin Kurti, në një tubim elektoral të mbajtur në Kamenicë, ka vazhduar kritikat kundër mediave dhe opozitës. Ai i cilësoi mediat si “portale oligarkësh” dhe minimizoi rëndësinë e kritikave të tyre ndaj qeverisë së tij. Shumë njerëz, portale oligarkësh rrotull tyre, po na sulmojnë e po na akuzojnë me shpifje nga më të ndryshmet. Thjesht, disa njerëz nuk po mund të pajtohen me faktin se nuk po ka kurrfarë rëndësie, ama bash kurrfarë rëndësie se çka thonë ata, deklaroi Kurti. Ai akuzoi partitë opozitare se janë bërë si “mallra që shiten e blihen dhe theksoi se iu ka skaduar afati. Kryeministri u shpreh se këto sulme dhe akuza janë dëshmi e mungesës së ndërgjegjësimit dhe vetëdijes së kritikuesve të tij për “parëndësinë e tyre.” Qasja e Kurtit ndaj mediave ka nxitur reagime të shumta, me kritikë që e akuzojnë për mungesë tolerance dhe përdorimin e gjuhës së papërshtatshme në një fushatë zgjedhore.
