Mbahet mbledhja e Këshillit Komunal për Siguri në Bashkësi e para për vitin 2025

25/01/2025 Institucionet

Nënkryetari i Komunës së Rahovecit, z. Fatmir Isma i cili e kryesoi mbledhjen e KKSB-së, tha në fjalën e tij se situata e përgjithshme ne Komunën e Rahovecit në bazë të argumenteve dhe burimeve që i posedojmë është stabile, e qetë dhe pa ndonjë ndryshim të theksuar prej takimit të fundit të mbledhjes së KKSB-së.

Kjo është mbledhja e parë e rregullt për vitin 2025, me plan të ri dhe angazhime të reja.

Në përgjithësi në këtë mbledhje u shtjelluan këto çështje:

Tema e lëmoshëkërkuesëve;

Vlerësimi i përgjithshëm i gjendjes së sigurisë në Komunën e Rahovecit

Trantimi qenve endacakë;

Aktivitetet e përfunduara të KKSB-së gjatë vitit 2024

Mbrojtja e ambientit në komunën e Rahovecit

Trajnimi i nxënësve për mbrojtje nga zjarri

Siguria dhe kontrolli i shpeshtë në trafik

Niveli i sigurisë në shkolla

Parandalimi i dhunës në familje

Përpjekja intenzive për ushqim më cilësor me siguri me të lartë – siguria dhe kontrolli i produkteve ushqimore.

Komandanti i Stacionit Policor në Rahovec, z. Fazli Morina, si zakonisht raportoi rreth situatës së sigurisë në territorin e  komunës së Rahovecit, me statistika si në vijim:

1 rast me narkotikë, 4 raste me para falco, 7 raste të asgjësimit të pasurisë, 1 rast armëmbajtje pa leje, 7 raste të dhunës në familje dhe 28 urdhëresa të gjykatës. Gjatë kësaj periudhe janë arrestuar 14 persona.

Sa i përket sigurisë në komunikacion:

Janë dhënë 922 gjoba në komunikacion rrugor. Prej tyre, 694 për kundërvajtje, 20 gjoba janë shqiptuar për drejtimin e automjetit pa patent shofer, 190 gjoba për parkingje joadekuate, 3 gjoba për prishtje të rendit dhe qetësisë publike dhe kanë ndodhur 23 aksidente me dëme materiale.

Nga shkollat e komunës së Rahovecit janë realizuar 2 raste: Vjedhje e rëndë dhe posedim i substancave narkotike.

Në fund të mbledhjes, nënkryetari Isma falënderoi të gjithë anëtarët e KKBS-së për konstruktivitetin, angazhimin dhe punën e bërë.

 

Kontrolloni gjithashtu

Kryetari Latifi vazhdon me vizitat e tij nëpër biznese private

Kryetari i komunës së Rahovecit, z. Smajl Latifi i shoqëruar nga nënkryetari Fatmir Isma dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara