Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, erdhi për një vizitë në Radio Kosova e Lirë, veterani 82 vjeçar, i Ushtrisë Çlirimtare të Kosovës, Shaqir Dervishaj, i njohur si “plaku më plis”. Ai ka qenë pjesë e luftës për liri që nga fillimi deri në përfundim. Në bisedën e tij, ai shprehu falënderimin për programin tonë duke theksuar se kujdesi për historinë e luftës është një detyrë e rëndësishme. Ai tha se flej e zgjohem me Radion Kosova e Lirë, po ashtu e shoh shumë edhe TV Diellin.
Duke vlerësuar veçanërisht kontributin e Ahmet Qeriqit, drejtorit të RKL-së, ai tha se duhet të shpallet hero i gjallë për punën që nuk ndali asnjëherë.
Shaqir Dervishaj, ishte në luftën çlirimtare, së bashku me tre djemtë e tij. Ai është babai i komandantit të UÇK-së, Musa Dervishaj, luftëtar i orëve të para të lirisë, i cili është invalid i luftës. Familja Dervishaj ka qenë cak i sulmeve dhe bastisjeve të shumta nga policia serbe edhe në vitet para luftës për veprimtari atdhetare.
