Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati i PDK-së për Kryeministër, Bedri Hamza, ka mbajtur një takim me qindra mësimdhënës. Ai ka thënë me këtë rast përkushtimi juaj duhet të shpërblehet me paga dinjitoze, prandaj qysh në vitin e parë të qeverisjes sime do të rrisim pagat e sektorit publik për 50%, për të siguruar që ju të punoni me dinjitet dhe motivim. Po ashtu, do të ketë më pak burokraci dhe më shumë autonomi për mësimdhënësit. Nuk mund të kërkojmë rezultate nga ju, nëse shumicën e kohës jeni të zënë me dokumente dhe me raporte të panevojshme. Do të krijojmë një sistem të drejtë dhe të bazuar në meritokraci, ku promovimi dhe avancimi të bazohen në përkushtimin dhe aftësinë tuaj, jo në politika apo ndikime të jashtme. Ne do të investojmë në arsim si kurrë më parë. E them me bindje të plotë se çdo cent që jepet për arsimin nuk është shpenzim, por është investimi më i duhur në shoqërinë tonë. Jam këtu për t’ju dhënë zotime konkrete, për t’ju siguruar se bashkë mundemi më mirë!”, ka thënë Bedri Hamza.
