Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ushtruesi i detyrës së kryeprokurorit të Shtetit, Besim Kelmendi, ka bërë me dije se 100 prokurorë do të jenë të angazhuar për zgjedhjet nacionale të 9 shkurtit. Përveç tyre, do të jenë të përfshirë edhe 30 anëtarë të stafit administrativ. Në mbledhjen e Këshillit Prokurorial të Kosovës, ai ka theksuar se prokurorët do të jenë të pranishëm në të gjitha komunat për të monitoruar mbarëvajtjen e procesit zgjedhor dhe do të vazhdojnë kujdestarinë edhe pas përfundimit të votimit. Gjatë mbledhjes, koordinatorja për Zgjedhje, Laura Pula, ka kërkuar që prokurorët e angazhuar të kompensohen për punën e tyre në ditën e zgjedhjeve, ndërsa shuma e pagesës do të caktohet nga KPK-ja. Kelmendi është shprehur se buxheti për pagesat mbetet një çështje e hapur, pasi kërkesat e prokurorisë për fonde shtesë nuk janë miratuar nga qeveria.
