Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhur me marrjen e paligjshme të kutive të votimit në Zagreb nga Martin Berisha, ka reaguar edhe Komisioni Qendror i Zgjedhjeve, i cili ka bërë të ditur se do të vlerësojë nëse tërheqja e pakove me fletëvotime nga kutia postare është bërë në përputhje me aktet nënligjore. Zëdhënësi i KQZ-së, Valmir Elezi, ka deklaruar se pas shqyrtimit të situatës, KQZ do të marrë një vendim të merituar. “Lidhur me lajmin që po qarkullon për tërheqjen e pakove me fletëvotime nga kutia postare e KQZ-së në Zagreb, sqarojmë se do të vlerësohet nëse kjo është bërë sipas akteve nënligjore dhe KQZ do të marrë vendim meritor,” ka thënë Elezi. Hetimet janë ende në fazën fillestare, ndërsa institucionet përgjegjëse kanë bërë të ditur se do të ndërmarrin veprimet e nevojshme për të garantuar një proces të drejtë dhe transparent zgjedhor.
