Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Tayyip Erdoğan, zhvilloi një bisedë telefonike me kryetarin francez, Emmanuel Macron, të cilit i tha se vendimi i BE-së muajin e kaluar për të pezulluar sanksionet ndaj Sirisë, ishte një hap në drejtimin e duhur, raporton Anadolu. Siç njoftoi Drejtoria e Komunikimeve pranë Presidencës, Erdoğan theksoi gjithashtu rëndësinë e heqjes së këtyre sanksioneve në epokën e re të Sirisë pas Asadit dhe tha se mbështetja e Turqisë për Sirinë do të vazhdojë e pandërprerë. Gjithashtu, dy udhëheqësit diskutuan lidhjet dypalëshe, si dhe çështjet rajonale dhe globale. Gjatë bisedës, Erdoğan nënvizoi se nxitja e dialogut mes dy vendeve do të ndihmojë në forcimin e lidhjeve dypalëshe, duke theksuar se Turqia dhe Franca kanë potencial për bashkëpunim në shumë fusha, veçanërisht në industrinë e mbrojtjes. Ai shtoi se armëpushimi aktual midis grupit palestinez Hamas dhe Izraelit duhet të ruhet dhe duhet të fillojë puna për një zgjidhje të qëndrueshme në rajon.
