Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari amerikan i Mbrojtjes, Pete Hegseth, hodhi poshtë kritikët e strategjisë amerikane për luftën në Ukrainë, duke theksuar se Shtetet e Bashkuara nuk do të bëjnë lëshime të mëdha përballë Rusisë në negociatat për një fund të mundshëm të luftës. Ai paralajmëroi gjithashtu se aleatët evropianë duhet të marrin më shumë përgjegjësi për mbrojtjen e Evropës dhe të mos shfrytëzojnë Amerikën për sigurinë e tyre. Hegseth, i cili ndodhej në një turne ndërkombëtar, shkaktoi reagime në Evropë për komentet që bëri, përfshirë ato lidhur me qëndrimin ndaj anëtarësimit të Ukrainës në NATO dhe kthimin e kufijve të Ukrainës në vitin 2014. Ai tha se kthimi i këtyre kufijve ishte jo realist dhe theksoi se administrata Trump nuk e sheh anëtarësimin e Ukrainës në NATO si pjesë të zgjidhjes për luftën. Për sa i përket mundësisë për një marrëveshje paqësore, Hegseth theksoi se amerikanët synojnë një përfundim diplomatik që krijon paqe të qëndrueshme, por kjo nuk do të thotë se do të bëhen lëshime të mëdha ndaj Rusisë.
