Fëmijët e Institucionit Parashkollor “Nëna Zahide” realizuan një program artistik në vigjilje të Ditës së Pavarësisë së Kosovës

14/02/2025 Institucionet

Fëmijët e Institucionit Parashkollor “Nëna Zahide” në Skënderaj kanë realizuar të premtën një program artistik, në vigjilje të festës së 17 Shkurtit – Ditës së Pavarësisë së Kosovës, me këngë, valle e recitime.

Të përgatitur nga edukatorët e çerdhes dhe prindërit, parashkollorët i kanë kënduar shtetit të Kosovës, të ardhmes, teksa kanë luajtur edhe valle me motive shqiptare.

Edhe shkollat tjera të komunës kanë mbajtur programe artistike, për nder të Ditës së Pavarësisë së Kosovës.

Drejtori për Arsim në komunën e Skënderajt, Kastriot Duraku, duke përgëzuar parashkollorët dhe nxënësit për programet e tyre artistike, ua ka uruar 17 Shkurtin, me dëshirën për një të ardhme të ndritur për të gjithë fëmijët e Komunës së Skenderajt!

Kontrolloni gjithashtu

Me 27 shkurt mbahet mbledha e dytë e rregullt e Kuvendit Komunal të Vitisë

Kryesuesi i Kuvendit Komunal të Vitisë, z. Bekim Azizi ka njoftuar përmes faqes zyrtare të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara