Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nasim Haradinaj, ish-nënkryetar i OVL-UÇK-së, ka deklaruar se Gjykata Speciale shkel të drejtat më elementare të njeriut. Haradinaj e ka cilësuar Gjykatën Speciale si një institucion që shkel të drejtat e njeriut, ka theksuar se ajo nuk ka ofruar drejtësi të paanshme dhe se ka shkelur të drejtat e burgosurve, të drejta që shpesh nuk janë shkelur as nga gjykatat e ish-Jugosllavisë. Ai ka deklaruar se ky sistem është një dështim i rëndë për drejtësinë ndërkombëtare. Në lidhje me festimin e Pavarësisë brenda Speciales, Haradinaj ka cituar një shprehje të ish-presidentit Hashim Thaçi, i cili kishte thënë: “Ata kanë mundur të na burgosin fizikisht, trupin, por mendjen s’mund të na robërojnë asnjëherë.” Kjo qëndrim sipas Haradinajt, thekson forcën e besimit dhe të vullnetit të shqiptarëve të Kosovës për të ruajtur identitetin dhe krenarinë kombëtare, pavarësisht kushteve të vështira dhe padrejtësive, në të cilat kanë kaluar.
