Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Kosovës, Hashim Thaçi nuk mori pjesë në dy seancat e fundit para Gjykatës Speciale raciste në Hagë. Fillimisht nuk dihej arsyeja e kësaj kurse, më pastaj avokati i presidentit Thaçi deklaroi se shkaqet shëndetësore e pamundësuan pjesëmarrjen e zotit Thaçi në gjykim. Ndërkaq që GJSR nuk doli me asnjë informatë të përditësuar për gjendjen shëndetësore të presidentit Thaçi. Po kjo gjykatë ditë më parë refuzoi dy kërkesa të zotit Thaçi që të vizitojë babain e sëmurë që trajtohej në QKUK në Prishtinë për shkak të gjendjes së përkeqësuar shëndetësore dhe moshës së shtyrë , është mbi 84 vjeç ndonëse ishin plotësuar të gjitha kushtet për vizitë humanitare e që parashihet edhe me rregulloren e GJSR të Hagës. Në këtë mënyrë GJSR brutalisht shkelë të drejtat e njeriut të personave të privuar nga liria , të garantuara me dokumentet kombëtare dhe ndërkombëtare siç janë Kushtetuta e Kosovës, Rregullat Evropiane të Burgjeve, Konventën Evropiane për të Drejtat e Njeriut si dhe Rregullat e Nelson Mendelës që kjo gjykatë i ka inkorporuar si standarde më të larta të Kombeve të Bashkuara për Persona të privuar nga liria.
