Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pavarësisht se Albin Kurti, dhe partnerët e koalicionit të tij kishin qenë të pamëshirshëm gjatë fushatës elektorale për zgjedhjet e 9 shkurtit dhe s’kishin lënë gjë pa thënë për partitë opozitare, Fatmir Limaj, mbrëmë ka trazuar opinionin publik duke lënë hapur derën e bashkëpunimit edhe me Lëvizjen Vetëvendosje të Albin Kurtit. Përveç gjuhës polarizuese të viteve të fundit që ishte intensifikuar përgjatë fushatës për zgjedhjet e 9 shkurtit, në arkivin e deklarimeve politike, Fatmir Limaj del një prej kritikëve më të ashpër të Kurtit, të cilin s’ka ngurruar ta quaj mashtrues, politikan që ndërron qëndrime, e njeri që punën e parë të tij e ka pozitën e kryeministrit. Limaj kishte kritikuar ashpër Kurtin, duke thënë se Kosova për katër vite ka qenë e mashtruar dhe se s’duhet të pranojë një mashtrim të ri, që do të humbte mundësinë për djemtë e vajzat e Kosovës. Po nuk dihet ende se çka do të ndodh nëse Kurti e shpërfillë gatishmërinë e Limajt për bashkëqeverisje.
