Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në zgjedhjet e 9 shkurtit, Lëvizja Vetëvendosje doli e para me 330 mijë e 321 vota (40.90%), por lideri i saj, Albin Kurti, ka marrë 52 mijë e 273 vota më pak. Ky dallim mes votave të partisë dhe liderit të saj është vërejtur edhe te subjektet e tjera, por më pak sesa në rastin e VV-së. PDK ka siguruar 179 mijë e 986 vota (22.29%), ndërsa Bedri Hamza ka marrë 159 mijë e 124 vota, një diferencë prej 20 mijë e 862 votash. LDK ka 140 mijë e 721 vota, ndërsa Lumir Abdixhiku ka marrë 119 mijë e 268, ose 21 mijë 453 vota më pak. AAK-Nisma dhe partnerët kanë 59 mijë e 888 vota, ndërsa Ramush Haradinaj ka siguruar 40 mijë e 105 vota. Ndërkohë, Koalicioni për Familje, që nuk arriti të kalojë pragun, mori 18 mijë e 35 vota (2.23%), ndërsa bartësi i listës, Eman Rrahmani, numëroi 13 mijë 948 vota.
