Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka kaluar një javë, prej kur Prokuroria Speciale i ka bërë kërkesë Gjykatës Themelore në Prishtinë, ta urdhërojë kryeministrin, Albin Kurti, të paraqitet në Prokurori në cilësinë e dëshmitarit, në një rast penal lidhur me dyshimet për keqpërdorime me rezervat shtetërore. Ish-kryetari i Gjykatës së Apelit, Hasan Shala deklaron se në rastin konkret janë të mjaftueshme 30 ditë që gjykatësi i procedurës paraprake të marr vendim për kërkesën e Prokurorisë Speciale. Në rastin konkret Kodi i Procedurës Penale nuk e ka përcaktuar se për sa kohë duhet t’i përgjigjet Prokurorisë, gjyqtari i procedurës paraprake, mirëpo këtu duhet ta kemi një afat të arsyeshëm në momentin kur nuk përcaktohet afati në Kodin e Procedurës Penale është parim se duhet të përcaktohet një afat i arsyeshëm. Në rastin konkret konsideroj se është afat i arsyeshëm prej 1 jave deri në 30 ditë që i jepet mundësia gjyqtarit të procedurës paraprake që ai ta dërgoj meqenëse këtu nuk ka në shqyrtim ndonjë shkresë të lëndës, është shumë thjesht i kemi dy ftesa që nuk iu ka përgjigjur, andaj këtu besoj që gjyqtari i procedurës penale nuk ka nevojë më shumë se 30 ditë që t’i jap përgjigje Prokurorisë”, theksoi ai. Kosovapress
