Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Amerikës, Donald Trump, ka nënshkruar një urdhër ekzekutiv lidhur me pezullimin e lejeve të sigurisë për avokatët që ndihmuan ish-prokurorin special, Jack Smith, në hetimet kundër tij. Ky veprim ka shkaktuar reagime dhe është ndërlidhur me punën e gjykatës në Hagë, ku po gjykohen ish-krerët e UÇK. Avokati i licencuar nga Gjykata Speciale, Skënder Musa, e cilësoi këtë vendim si një hap pozitiv, duke pretenduar se mund të ndikojë në procesin gjyqësor ndaj ish-presidentit të Kosovës, Hashim Thaçi, dhe ish-krerëve të UÇK-së. “Shpresoj që ky hetim të vazhdojë edhe ndaj vartësve të Smith-it në Prokurorinë Speciale, pasi krerët e UÇK-së po akuzohen pa prova bindëse,” tha Musa. Ish-prokurori Jack Smith udhëhoqi hetimet që çuan në ngritjen e aktakuzave për krime lufte kundër Hashim Thaçit, Kadri Veselit, Jakup Krasniqit dhe Rexhep Selimit në qershor të vitit 2020, përpara se të jepte dorëheqje në nëntor të vitit 2022.
