Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i LDK-së dhe ish-kryeministri i Kosovës, Avdullah Hoti, ka deklaruar se Kosova duhet të rikthehet sa më parë në Shtëpinë e Bardhë, duke e cilësuar atë si derën kryesore për të siguruar njohje të reja dhe anëtarësim në organizata ndërkombëtare. “Shtëpia e Bardhë është dera e vetme ku Kosova duhet të trokas për të siguruar njohje e anëtarësime të reja, për projekte madhore infrastrukturore e energjetike, për anëtarësim në NATO dhe për të marrë garancitë për siguri kombëtare,” tha Hoti. Ai kujtoi shtatorin e vitit 2020, kur gjatë mandatit të tij si kryeministër vizitoi Shtëpinë e Bardhë dhe siguroi njohjen e Kosovës nga Izraeli, duke theksuar se një moment i tillë nuk duhet të mbetet i vetmi. “Shtatori i vitit 2020 nuk duhet të mbetet momenti i vetëm kur Kosova u nderua dhe u respektua nga Shtëpia e Bardhë,” theksoi Hoti.
