Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka zhvilluar një takim me mësuesit shqiptarë që punojnë në Greqi gjatë mesditës të së dielës, ku ka njoftuar fillimin e një programi mbështetjeje financiare për 50 mësues shqiptarë. Ky program, i cili realizohet për herë të parë nga qeveria shqiptare, synon të mbështesë mësuesit që përçojnë dhe ruajnë gjuhën shqipe tek brezat e rinj që jetojnë jashtë Shqipërisë. Rama theksoi se kjo nismë është vetëm hapi i parë dhe se programi do të zgjerohet më tej në vende të tjera me komunitete të mëdha shqiptare. Ai vlerësoi përkushtimin dhe sakrificat e mësuesve shqiptarë në Greqi, duke i cilësuar ata si bartës të një misioni fisnik për ruajtjen e gjuhës dhe identitetit kombëtar. Marrëdhëniet mes Shqipërisë dhe Greqisë, të cilat i cilësoi si shumë më të mira krahasuar me të kaluarën. Marrëdhëniet me qeverinë dhe autoritetet këtu janë në një moment shumë më të mirë se sa ishin, duhet të jenë më mirë, ne do bëjmë çmos që të jenë më të mira, u shpreh kryeministri.
