Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka mbetur edhe një muaj deri në përfundimin e dëshmitarëve të Prokurorisë në Hagë, në rastin ndaj ish-krerëve të Ushtrisë Çlirimtare të Kosovës: Hashim Thaçit, Kadri Veselit, Jakup Krasniqit dhe Rexhep Selimit. Sipas kalendarit zyrtar të Gjykatës Speciale, gjykimi do të rifillojë më 17 mars, me 23 seanca të planifikuara deri më 8 maj. Nga këto, 8 seanca do të mbahen në mars, 10 në prill dhe 5 në maj, pas së cilave pritet të përfundojë paraqitja e dëshmitarëve të Prokurorisë. Pas kësaj faze, procesi do të vazhdojë me dëshmitarët e mbrojtjes së viktimave dhe të akuzuarve. Avokati Ardian Bajraktari ka kritikuar procesin, duke e cilësuar atë si të mbyllur dhe me mungesë transparence. Në anën tjetër, Nasim Haradinaj, e ka cilësuar këtë institucion si të padrejtë dhe të njëanshëm. Që nga themelimi, kjo gjykatë nuk ka reflektuar drejtësi, por vetëm urrejtje dhe racizëm , tha Haradinaj. Deri më tani, në këtë proces janë dëgjuar 123 dëshmitarë të Prokurorisë së Specializuar.
