Filloi edicionin i dytë të Festivalit Ndërkombëtar të Këngës Folklorike Tradicionale “NINULLA”

07/03/2025 Institucionet

Në Viti përmes një tryeze të rrumbullakët ka filluar edicioni i dytë i festivalit Ndërkombëtar të Këngës Folklorike Tradicionale “NINULLA”. Me këtë rast një fjalë rasti si nikoqir i këtij festivali ka mbajtur kryetari i komunës së Vitisë, Sokol Haliti. “Kam nderin që në cilësinë e kryetarit të komunës, të mirëpresim edicionin e dytë të Festivalit Ndërkombëtar të Këngës Folklorike Tradicionale “NINULLA” në qytetin e Vitisë. Ky festival, i cili mbledh artistë nga Italia, Turqia, Republika Çeke, Sllovenia, Qiproja Veriore, Shqipëria, Kosova dhe Maqedonia e Veriut, është dëshmi e fuqisë së kulturës për të bashkuar njerëzit, për të ndarë tradita dhe për të forcuar lidhjet ndërmjet kombeve”, u shpreh kryetari Haliti. Ai gjithashtu tha se ngjarjet si këto janë më shumë se shfaqje artistike; ato sipas tij janë ura të fuqishme që lidhin të kaluarën me të tashmen dhe që ruajnë vlerat tradicionale për brezat e ardhshëm. I pari i komunës gjithashtu shprehu mirënjohjen më të thellë për organizatorët e festivalit, SKOFF dhe partnerët e tyre të ngushtë nga CIOFF, të cilët sipas kryetarit Haliti kanë bërë një punë të jashtëzakonshme për të sjellë festival në Viti. Përndryshe gjatë ditës së sotme kryetari Haliti po ashtu ka pritur në zyrën e tij grupet artistike dhe ansamblet që do të jenë pjesë të këtij festivali. Dita e parë e festivalit ka nisur në Viti, konkretisht në Shtëpinë e Kulturës “ Gursel e Bajram Sylejmani” ndërsa festivali në fjalë pritet të zhvillohet me pas edhe në qytetin e Ferizajt dhe Gjilanit.

Kontrolloni gjithashtu

Kryetari Latifi Latifi vizitoi kolektivin e Shkollës “Isa Boletini” në Rahovec

Me rastin e 7 Marsit – Ditës së Mësuest, kryetari i Komunës së Rahovecit, z.Smajl …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara