Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Është ndarë fizikisht nga jeta atdhetari Ahmet Qeriqi!
Është dhembje për të gjithë, jemi zvogluar për një vlerë të madhe aktive!
Një pjesë të ndjeshme të mozaikut tonë
identitar kombëtar e përbenë jeta dhe vepra e profesorit Ahmet Qeriqi!
Në çdo përpjekje tonën për jetë, për
dinjitet e liri, e pandashme ishte prezenca e ndërgjegjshme, aktive e intelektualit, atdhetarit e luftëtarit, profesor Ahmetit!
Ishte bashkëvuajtës, vrojtues e përshkrues i jetës, shqetësimeve e vuajtjeve tona !
Artikullues i revoltës së njeriut tonë të lënduar, të sekatosur e të vrarë!
Motivues, orientues dhe pjesë organike e kryengritjes kunder pushtuesit!
Njeriu me qëndrueshmëri mahnitëse në mbrojtje të parimeve udhëheqëse në veprimet tona për atdheun!
Me radion e ndërmarrjes më të lavdishme të qëndresës, “Kosova e Lirë” Prof Ahmeti, përcolli deri në ditën e sotit kujtimin e nderimin për Ushtrinë Çlirimtare të Kosovës dhe Dëshmorët e Saj të lavdishëm !
Nga sot jemi më të varfër për njërin nga burimet më aktive, që me punën e tij krijuese, zgjati jetën e kujtesës tonë historike!
Profesor Ahmeti nga sot, nuk është krijues, por veprimtaria e tij i siguron Pavdekësinë bashkë me Përjetësinë e shqiptarisë!
Lavdi e nderim i përjetshëm, modestisë e madhështisë tënde bacë, profesor Ahmet Qeriqi!
