Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kushtrim Gara, anëtar i Komisionit Qeveritar për Personat e Zhdukur, ka dhënë detaje për identifikimin e kufomave të shtatë viktimave të Masakrës së Kralanit, të cilat u identifikuan sot. Gara njoftoi se aktualisht po punojnë edhe me identifikimin e pesë viktimave të tjera nga e njëjta masakër. Ai tha se mbetjet mortore të shtatë viktimave janë gjetur gjatë gërmimeve të vitit 2023 në lokacionin e varrit masiv në Bishtazhin. Gara gjithashtu njoftoi se ceremonia e rivarrimit do të organizohet më 4 prill, përvjetorin e masakrës, dhe shprehu ngushëllimet për familjet e viktimave. Në fjalimin e tij, Gara theksoi se familjet e personave të zhdukur janë “njerëzit më fisnikë të shoqërisë”, dhe se, pavarësisht dhimbjes, ato vazhdojnë të mbështesin institucionet në përpjekjet e tyre për gjetjen e të zhdukurve.
