Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-oficeri britanik, Ade Clewlow, i cili ka kontribuar në krijimin e Forcës së Sigurisë së Kosovës, ka theksuar se Kosova duhet të jetë shumë e vëmendshme ndaj ndryshimeve gjeopolitike që po ndodhin në botë. Clewlow ka theksuar se edhe në rast të tërheqjes së trupave amerikane nga Kosova, shtetet e tjera janë të afta të sigurojnë mbrojtje për shtetin më të ri në Evropë. “Nuk shoh ndonjë arsye që trupat e KFOR-it të tërhiqen nga Kosova,” ka deklaruar Clewlow, duke e përmendur vizitën e Sekretarit të NATO-s, Mark Rutte, në Prishtinë si dëshmi të angazhimit të aleancës për sigurinë e Kosovës. Megjithatë, edhe nëse administrata Trump vendos për largimin e trupave amerikane, shtetet e tjera kanë kapacitete të mjaftueshme për të ofruar siguri,” ka shtuar ai. “Serbia mund të destabilizojë situatën, ndaj liderët evropianë duhet t’i vëzhgojnë me vëmendje veprimet e saj,” ka thënë ai. “FSK duhet të vazhdojë të forcohet sepse mund të vijë një ditë kur siguria e Kosovës nuk do të mbështetet vetëm në forcat ndërkombëtare,” ka përfunduar Clewlow.
