Vazhdon projekti për rregullimin e shtratit të lumit nga Rahoveci deri në Fortesë

13/03/2025 Institucionet

Drejtoria e Bujqësisë, Pylltarisë dhe Zhvillimit Rural të komunës së Rahovecit ka njoftuar se janë vendosur pikat gjeodezike në bashkëpunim me gjeodetët dhe pronarët e parcelave private, një hap i rëndësishëm që i hap rrugë vazhdimit të projektit për rregullimin e shtratit të lumit nga Rahoveci deri në Fortesë.

Me këtë rast Drejtoria e Bujqësisë falënderon të gjithë pronarët e tokave private për bashkëpunimin dhe mirëkuptimin e tyre deri më tani. Duke qenë se prona publike në këtë segment është e kufizuar dhe e pamjaftueshme, kërkojmë nga banorët dhe pronarët që të vijojnë të mbështesin organet kompetente, duke lejuar realizimin e punimeve të mëtejshme.

Ky projekt ka rëndësi jetike për banorët, pasi synon të përmirësojë infrastrukturën dhe mjedisin e zonës. Vetëm duke bashkëpunuar ngushtë, mund të arrijmë rezultate afatgjata që sjellin përfitime për të gjithë, thuhet në komunikatën e Drejtorisë së Bujqësisë, Pylltarisë dhe Zhvillimit Rural të komunës së Rahovecit.

.

Kontrolloni gjithashtu

Kryetari Latifi pati një takim të veçantë me nxënësit e klasave të pesta të Shkollës “Isa Boletini” në Rahovec

Të mërkurën në sallën e Kuvendit të Komunës së Rahovecit, kryetari Smajl Latifi pati një …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara