Kryetari Haliti, priti në takim përfaqësues të  shoqatës zvicerane Entr-Aides

20/03/2025 Institucionet

Kryetari i Komunës së Vitisë, Sokol Haliti ka pritur sot takim përfaqësues të Shoqatës Humanitare “Entr-Aides”, të udhëhequr nga z. Cédric Bonnébault. Gjatë këtij takimi, ata diskutuan mundësinë e organizimit të një programi për vendosjen e 5 studentëve zviceranë dhe një profesori në familje të ndryshme vitiase dhe atë për një periudhë të shkurtër, me qëllim promovimin e shkëmbimit kulturor dhe forcimin e bashkëpunimit ndërkombëtar.

Po ashtu, në këtë takim u diskutua edhe për një aksion humanitar të përbashkët, që ka për qëllim të ndihmojë me pako ushqimore 300-500 familje në nevojë, që kryesisht përballen me vështirësi financiare në territorin e komunës së Vitisë.

Kryetari Haliti theksoi se ky bashkëpunim është një hap i rëndësishëm, jo vetëm për të forcuar lidhjet mes dy kombeve, por edhe për të mbështetur ata që kanë më nevojë.

Kryetari Haliti gjithashtu shprehu gatishmërinë e komunës së Vitisë për të mbështetur çdo iniciativë që kontribuon në zhvillimin e mirëqenies së qytetarëve dhe në forcimin e lidhjeve.

Kontrolloni gjithashtu

Në Nagac u përkujtuan dëshmorët dhe Martirët e Lirisë në 26 vjetorin e përjetësimit

Të mërkurën kryetari i komunës së Rahovecit, z. Smajl Latifi, bashkë me familjarë, bashkëluftëtarë të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara