Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Grupit Parlamentar të Aleancës për Ardhmërinë e Kosovës, Pal Lekaj ju ka bërë thirrje qytetarëve të jenë sy qelë pasi në krye të vendit kemi njerëz që janë të gatshëm të falin territor. Njerëzit e tillë janë të gatshëm që për ambicie të tyre personale janë të gatshëm të mbajnë vendin peng dhe të falin toka. Ai ka përkujtuar më tutje se kryeministri i Kosovës, Isa Mustafa është një pushtetar i kohës së komunizmit dhe që merr vendime sipas logjikës serbe “ Çdo çudi zgjatë tri ditë”. Deputeti, Pal Lekaj ka theksuar më tutje se e ka pasur me gjithë mend kur ka thënë se çdo kend që i bënë tradhti vendit do ta pret fati i Esat Pashë Toptanit. Banorët rreth kufirit me Malin e Zi janë të revoltuar me veprimet e qeveritarëve dhe kjo mund të shpie deri në konflikt me Malin e Zi, ka theksuar deputeti, Pal Lekaj. Ai ka paralajmëruar se së shpejti mund të ketë takim në mes të liderit të Aleancës për Ardhmërinë e Kosovës, Ramush Haradinaj dhe kryetarit të Lëvizjes Vetëvendosje, Visar Ymerit për të bashkërenduar aktivitetet për të mbrojtur interesat e vendit.
