Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Imer Hakaj ka dhënë dorëheqje nga posti i drejtorit të Inspektoratit të Trashëgimisë Kulturore, Ai ka sqaruar se vendimi për dorëheqje ka ardhur pas kallëzimit penal të iniciuar nga Komuna e Prishtinës, për shkak të ndërprerjes së punimeve në sheshin “Xhorxh Bush” nga ana e Inspektoratit. Hakaj ka pranuar përgjegjësinë për “mosveprimet me kohë ndaj shkelësve të ligjit për trashëgimi kulturore” nga ana e Komunës së Prishtinës. Ai ka theksuar se pavarësisht dorëheqjes, ai nuk do të ndalet në angazhimin e tij për drejtësi dhe luftën kundër shkelësve të ligjit, përfshirë ato që kanë të bëjnë me ndërhyrjet e paautorizuara në trashëgiminë kulturore, siç janë punimet në Rrugën “Xhorxh Bush”. Hakaj ka shtuar se ndihet përgjegjës për veprimet e ndërmarra deri më tani si drejtor i Inspektoratit dhe ka kërkuar largimin e tij të menjëhershëm nga detyra nga ministri Hajrulla Çeku për shkak të mos reagimit të shpejtë ndaj shkelësve të ligjit. Ai ka theksuar gjithashtu se angazhimi i tij për drejtësi mbetet i pandalshëm dhe se do të informojë publikun për veprimet institucionale që do të ndërmerren.
