Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i AAK, Muharrem Nitaj, ka komentuar pas takimit përgatitor për seancën e konstituimit të Kuvendit të Kosovës, duke shprehur shqetësimin se ka individë që po punojnë për të krijuar kaos dhe për të çuar vendin përsëri në zgjedhje të reja. Ai ka theksuar se procesi i krijimit të qeverisë është tejet i komplikuar dhe se deri tani nuk ka pasur shenja se Lëvizja Vetëvendosje ka siguruar numrat e nevojshëm për të formuar qeverinë. Nitaj gjithashtu ka vënë në dukje se konstituimi i Kuvendit po duket gjithashtu i komplikuar, duke paralajmëruar mundësinë që ky proces të mbetet në duar të Listës Serbe, pasi, sipas rregullores, Kuvendi mund të konsiderohet i konstituuar vetëm pasi të zgjidhen Kryetari dhe pesë nënkryetarët, përfshirë dy nënkryetarët nga radhët e pakicës serbe dhe komuniteteve tjera jo shumicë. Ai ka përfunduar duke thënë se po krijohet një situatë ku mund të “bëhet llugë” dhe vendi mund të detyrohet të shkojë përsëri në zgjedhje, duke nënkuptuar se dikush po punon në këtë drejtim.
