Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
ShBA, Gjermania dhe Mbretëria e Bashkuar kanë shprehur pritshmëritë e tyre për Qeverinë e re të Kosovës, duke theksuar rëndësinë e besimit të ndërsjellë, koordinimit dhe bashkëpunimit të ngushtë, si dhe përparimin në dialogun me Serbinë. Këto tri shtete, së bashku me Italinë dhe Francën, janë pjesë e grupit të njohur si QUINT, i cili mbështet zhvillimet dhe integrimin e Kosovës në strukturat ndërkombëtare. Në një deklaratë për Radion Evropa e Lirë, DASH, theksoi se SHBA ka mbështetur për një kohë të gjatë Kosovën në rrugën e ndërtimit të një shteti demokratik dhe multietnik, dhe se është e angazhuar për të punuar me Qeverinë e re të Kosovës për ruajtjen e stabilitetit dhe sigurisë rajonale. Ambasada e Gjermanisë në Prishtinë, gjithashtu, ka nënvizuar rëndësinë e vazhdimit të bashkëpunimit të ngushtë me Qeverinë e ardhshme të Kosovës dhe ka theksuar se koordinimi i afërt me partnerët ndërkombëtarë është i domosdoshëm për arritjen e progresit në dialogun me Serbinë dhe për realizimin sa më shpejt të perspektivës evropiane të Kosovës. Pritshmëritë për Qeverinë e re do të marrin formë më 15 prill, kur Kuvendi i Kosovës do të konstituohet dhe do të zgjedhë kryetarin dhe nënkryetarët e tij. Pas kësaj, do të fillojë formimi i Qeverisë së re.
