Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 7 dhe 8 prill 2025, gjykatësja e procedurës paraprake ka vendosur për vazhdimin e paraburgimit ndaj Hashim Thaçit, Isni Kilajt, Fadil Fazliut dhe Bashkim Smakajt, të akuzuar për pengim të administrimit të drejtësisë. Këtë informacion e ka bërë të ditur zëdhënësja e gjykatës speciale në Hagë, Angela Griep, gjatë konferencës javore. Griep gjithashtu theksoi zhvillimet e fundit në procesin gjyqësor ndaj Thaçit, Veselit, Selimit dhe Krasniqit, përfshirë miratimin e kërkesës për dëshmitarët që të dëshmojnë përmes video-lidhjes për arsye shëndetësore dhe sigurie. Ajo përmendi gjithashtu vendimin për pranimin e disa dëshmive të shkruara dhe provave materiale nga dëshmitarët, duke refuzuar ato pa mbështetje të mjaftueshme. Një kërkesë për pushimin e procedurës ndaj Bashkim Smakajt, të dorëzuar nga mbrojtja e tij, u refuzua gjithashtu, pasi aktakuza ndaj tij mbështetet në faktorë të tjerë që nuk do të ndryshoheshin nga intervista e dëshmitarit.
