Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Shëndetësisë e Kosovës po përballet me akuza për favorizim dhe shkelje të procedurave të prokurimit publik, pasi i ka dhënë kontratën për renovimin e objektit të depos së barnave dhe ndërtimin e një aneksi, kompanisë me ofertën më të shtrenjtë, “Termontimi”, në vlerë prej 1milion e,770,554.42 euro. Nga 10 kompani pjesëmarrëse në garë, “Termontimi” u shpërblye përkundër faktit se kishte ofertuar çmimin më të lartë dhe kishte përfituar përmes asaj që konsiderohet si përshtatje e favorshme e kritereve të tenderit, të cilat – sipas një operatori ankues – nuk ishin të njëjta për të gjithë garuesit. Në ankesën e dorëzuar në Organin Shqyrtues të Prokurimit, operatori ekonomik ka ngritur dyshime serioze për parregullsi dhe shkelje të ligjit, duke akuzuar MSH-në për: Mungesë transparence gjatë procesit të vlerësimit; Mosdhënie të qasjes në dokumentet e plota të tenderit; Mospërcaktim të afateve për përfundimin e punimeve në dosjen e tenderit; Mundësi që kompania fituese të ketë pasur informacione paraprake të favorshme mbi afatin kohor të projektit; Mospërmbushje të kritereve për kapacitete teknike dhe profesionale nga kompania fituese. Përkundër këtyre pretendimeve, as Ministria e Shëndetësisë e udhëhequr nga Arben Vitia, dhe as kompania “Termontimi” nuk kanë dhënë ndonjë koment, duke zgjedhur të heshtin ndaj akuzave.
