Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Disa pamje të siguruara nga kamerat brenda Kuvendit të Kosovës kanë zbuluar komunikime përmes mesazheve të deputetit Elbert Krasniqi, përfaqësues nga komuniteti egjiptian, lidhur me zhvillimet e fundit për formimin e Qeverisë së re. Sipas raportimit nga Nacionale, në njërin nga mesazhet e dërguara, Krasniqi i shkruan një kontakti me inicialet A.K., duke deklaruar se: “4 vota të Listës Serbe na votojnë Qeverinë.” Mesazhi ngre pikëpyetje të reja lidhur me përfshirjen e Listës Serbe në votimin për qeverinë e re – një zhvillim që, nëse konfirmohet, do të kishte pasoja politike dhe publike të konsiderueshme. Në komunikimin e mëtejmë, Krasniqi gjithashtu pyet nëse Veton Berisha është propozuar për postin e ministrit, por merr një përgjigje të shkurtër: “Jo”. Në një pjesë tjetër të bisedës, ai thekson mungesën e marrëveshjes për nënkryetarët e Kuvendit: “Nuk kemi marrëveshje për nënkryetar të Kuvendeve.” Krasniqi duket se përpiqet të kontaktojë edhe vetë kryeministrin Albin Kurti, duke shkruar: “KM nuk po më përgjigjet.”
