Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryetari i Gjykatës Kushtetuese, Enver Hasani, ka vlerësuar se gjatë procesit të certifikimit të kandidatëve për deputetë nuk ka pasur dorëheqje të mirëfillta nga funksionet ekzekutive. Ai theksoi se dorëheqjet nuk janë dorëzuar në mënyrë formale dhe as tek autoriteti kompetent, duke e cilësuar këtë si shkelje të qartë të ligjit. Hasani u shpreh se Glauk Konjufca, të cilit i janë drejtuar këto dorëheqje, nuk ka pasur asnjë kompetencë institucionale për t’i pranuar ato. Ai theksoi se një veprim i tillë përbën tallje me institucionet dhe shmangje të qëllimshme të ligjit. Sipas Hasanit, Komisioni Qendror i Zgjedhjeve nuk është dashur të vazhdojë me certifikimin pa u siguruar se dorëheqjet janë dorëzuar në përputhje me kërkesat ligjore. Ligji kërkon qartë ndarjen e funksioneve ekzekutive nga ato legjislative që në momentin e certifikimit. Hasani e vlerësoi të pakuptueshme mosveprimin e KQZ-së, duke shtuar se kryetari i këtij institucioni ka njohuri të mjaftueshme juridike për të parandaluar një situatë të tillë.
