Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PSD-së, Dardan Molliqaj, ka deklaruar se ngërçi aktual në Kuvend i shkon për shtat Albin Kurtit. Sipas tij, nga momenti i konstituimit të Kuvendit fillon numërimi 15-ditor për largimin e qeverisë në detyrë. “Bllokimi i Kuvendit i leverdis Kurtit, jo opozitës”, shkroi Molliqaj. Ai u bëri thirrje partive opozitare që të zhbllokojnë Kuvendin dhe të arrijnë një marrëveshje për votimin e kryetarit dhe nënkryetarëve. Por theksoi se kjo duhet të ndodhë vetëm nëse ka marrëveshje politike për bashkëqeverisje. Molliqaj tha se dy modele të ndryshme politike nuk mund të qëndrojnë në të njëjtën sjellje politike. Ai theksoi se kriza është edhe mundësi për opozitën, nëse ka guxim dhe përgjegjësi. Zhbllokimi, sipas tij, është domosdoshmëri për ta çuar vendin drejt ndryshimit. Ai kritikoi hezitimin e opozitës për të marrë hapin e parë drejt bashkimit. “Politika nuk të shtron rrugën me lule,” përfundoi ai.
