Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata speciale e Hagës ka përmbyllur fazën e saj në gjyqin kundër krerëve të UÇK-së, pas paraqitjes së 125 dëshmitarëve dhe mbi 3 mijë provave materiale. Tani është radha e mbrojtjes që të paraqesë argumentet e saj. Sot pritet të mbahet një konferencë për ecurinë e çështjes, ku do të diskutohen mocionet për rrëzim akuzash dhe planet për fazat e ardhshme. Prokurorja Kimberli West vlerësoi guximin e dëshmitarëve, ndërsa avokatët e mbrojtjes e cilësuan rastin si të dobët dhe të pabazuar. Avokati i Hashim Thaçit, Luka Misetiq, tha se provat janë të paqëndrueshme dhe rasti është i fryrë nga raporti i Dick Marty. Mbrojtja e Krasniqit theksoi përkushtimin ndaj të vërtetës dhe faktet si bazë të strategjisë së saj. Avokati i Rexhep Selimit u shpreh i bindur në pafajësinë e klientit dhe në një përfundim të drejtë të procesit. Të gjithë mbrojtësit kritikuan zgjatjen e paraburgimit prej mbi 4 vjetësh. Mbetet të shihet nëse mocionet e mbrojtjes do të pranohet nga gjykata. Konferenca e nesërme do të përcaktojë hapat proceduralë në vazhdim të këtij procesi të ndjeshëm dhe të ndjekur gjerësisht
