leoni

Në Krushë të Madhe u shënua dita e të zhdukurve me dhunë

28/04/2025 Institucionet

Kryetari i komunës së Rahovecit, z. Smajl Latifi së bashku me qytetarë të Krushës së Madhe kanë bërë homazhe dhe ndezën flakadanë në kompleksin e varrezave të dëshmorëve dhe martirëve në Krushë të Madhe.

Vetëm në Krushë të Madhe janë edhe 64 persona të pagjetur, në komunën e Rahovecit edhe 107 të pagjetur e në shkallë vendi, edhe 1588 persona të pagjetur, duke përfshirë edhe intelektualin dhe atdhetarin e shquar, profesor Ukshin Hotin.

26 vjet më pas, fatkeqësisht, si çdoherë, kërkojmë me ngulm nga të gjitha institucionet, posaçërisht nga institucionet ndërkombëtare, që të bëjnë presionin e nevojshëm mbi Beogradin zyrtar dhe t’u jepet fund ankthit dhe makthit të familjeve të të pagjeturve.

Të zhdukurit me dhunë nga forcat shtetërore serbe, janë dhimbja dhe plaga jonë e hapur që ende kullon gjak në Republikën e Kosovës, tash e 26 vjet ka shkruar në llogarinë e tij në facebook, kryetari I komunës së Rahovecit, z. Smajl Latifi.

Kontrolloni gjithashtu

U mbajt mbledhja komemorative për mëuesin dhe poetin Agim Kastrati

Shkolla Fillore e Mesme e Ulët, “Fehmi Agani” në Turjakë, organizoj mbledhje komemorative për mësuesin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara