Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokatët e kreut të luftës së UÇK-së, në Drenicë janë në pritje të aktgjykimit të Gjykatës së Apelit për klientët e tyre që pretendojnë se t’u dorëzohet në fillim të muajit shtator. Avokatët e ish-komandantit të Shtabit të Përgjithshëm të UÇK-së, Sylejman Selimi dhe ish-komandantit të Zonës Operative të Drenicës, Sami Lushtaku, janë ankuar në vonesën e këtij vendimi, duke e evidentuar si shkelje ligjore. Tomë Gashi dhe Arianit Koci kanë deklaruar për gazetën “Epoka e re” se besojnë në pafajësinë e klientëve të tyre dhe nga gjykata presin aktgjykim lirues. “Gjykata ka konfirmuar se në muajin korrik e sjellë vendimin dhe se në muajin gusht do të publikohet. Mirëpo, për shkaqe teknike, sepse EULEX-i gjatë muajit qershor dhe fillim të korrikut nuk ka pasur mandat ligjor, mendoj se deri në fillim të muajit shtator nuk do të na dorëzohet aktgjykimi për Sylejman Selimin, Sami Lushtakun dhe të tjerët, ka thënë Tomë Gashi, avokat i ish-komandantit të Shtabit të Përgjithshëm të UÇK-së, Sylejman Selimi.
