Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Disa aktivistë të Lëvizjes Vetëvendosje janë përleshur me policinë gjatë një aksioni simbolik, në Mitrovicë. Përleshja ndodhi kur aktivistët e kësaj partie bënë përpjekje të vendosin një pankartë afër shtëpisë së kryetarit të Kuvendit të Kosovës, Kadri Veseli. Ndërkohë një aktivistë është arrestuar në përfundim të këtij aksioni, derisa një tjetër është alivanosur. Aktivistët e LVV-së kanë tentuar të vendosin një pankartë “Veriu nuk ndahet, perëndimi nuk falet” afër shtëpisë së kryetarit të Kuvendit, Kadri Veseli. Gjatë aksionit aktivistët e VV kanë thyer xhamat e një veture të policisë.
Lidhur me këtë aktivitet dhe disa zhvillime të tjera, Vetëvendosja ka lëshuar një komunikatë ku thuhet:
“Vendimi i djeshëm i gjykatës për lirimin e Azem Sylës është veprimi i radhës që tregon nivelin shqetësues të kapjes që i është bërë organeve të drejtësisë nga klani Pronto. Përderisa në vazhdimësi po publikohen përgjime që flasin për përfshirje në krim të organizuar e keqpërdorim të detyrës zyrtare edhe nga shumë bashkëpartiakë të Azem Sylës, organet e drejtësisë kanë mbyllur sytë kundruall tyre, dhe morën vendimin skandaloz për lirimin e këtij të fundit. Në anën tjetër, të njëjtat organe të drejtësisë kanë shqiptuar masa të arrestit shtëpiak ndaj deputetëve të Lëvizjes VETËVENDOSJE!, vetëm pse këta të fundit penguan klanin Pronto në misionin e tyre kryesor – faljen e tokave të Kosovës dhe copëtimin e saj. Sot poashtu, Policia e Kosovës intervenoi brutalisht për të penguar aktivistët e VETËVENDOSJE!-s që të vendosin një pano prej letre para shtëpisë së Kadri Veselit. Me ç’rast arrestuan aktivistin Imer Fejza, ndërsa lënduan ish-luftëtarin e UÇK-së, Musa Ajeti. Nuk ka më asnjë dilemë që i gjithë sistemi shtetëror, duke përfshirë policinë, prokurorinë dhe gjykatat, është vënë në shërbim të klanit pronto dhe shtypjes së kujtdo që mendon ndryshe dhe kundërshton politikisht këtë klan. Lëvizja VETËVENDOSJE! ju bënë thirrje të gjithë qytetarëve të Kosovës që të marrin pjesë sa më masivisht në protestën e 1 shtatorit, ku do t’i tregohet në mënyrë të vendosur këtij klani kriminal që qytetarët nuk do të dorëzohen para tyre”.
