Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Udhëheqësi Këshillit të Prindërve të Kosovës, Bajram Beqiri, ka deklaruar për Radion Evropa e Lirë, se një numër i madh i prindërve të nxënësve, sidomos të Komunës se Prishtinës, kanë paraqitur shqetësimet dhe kërkesat e tyre për mundësinë e shtyrjes se fillimit të vitit shkollor, për shkak të protestave të paralajmëruara. Situata aktuale politike në Kosovë dhe protesta e paralajmëruar nga disa parti opozitare, pikërisht më 1 shtator, ditën kur fillon viti i ri shkollor, ka ngritur shqetësime tek prindërit e nxënëseve, për sigurinë e fëmijëve të tyre, thonë përfaqësues të prindërve. Sipas tyre vendimi për shtyrjen e fillimit të vitit shkollor nga Ministria e Arsimit, Shkencës dhe Teknologjisë është vendim i drejtë. Ministria e Arsimit në Kosovë mori vendim, dy ditë përpara se të fillojë viti i ri shkollor, që të shtyjë deri më 5 shtator ditën e parë të shkollës, me arsyetimin e mos sigurimit në tërësi të teksteve shkollore dhe materialeve të tjera.
