Kryetari Ismajli mbajti takim me drejtorët e drejtorive komunale

09/09/2016 Institucionet

Kryetari  i Komunës së Shtimes, z. Naim Ismajli, në mbledhjen e mbajtur, me drejtorët e drejtorive komunale dhe me përgjegjësit e zyrave, që janë në kuadër të Zyrës së Kryetarit, ka kërkuar që deri më datën 16.09.2016, të bëjnë planifikimin final të  buxhetit për të gjitha kategoritë buxhetore dhe të njëjtin ta dorëzojnë në Zyrën e Financave.

Ai, veç tjerash,  ka kërkuar që planifikimi të bëhet për secilin shpenzim, duke theksuar se pastaj nuk mund të barten mjetet nga njëri kod në tjetrin pa vendimin e Kuvendit. Gjithashtu ka kërkuar që të bëhen sa më pak planifikime të shpenzimeve për blerje të pajisjeve për zyra, në vitin 2017.

Kimete Ukaj, shef për buxhet, ka njoftuar se buxheti është i planifikuar sipas granteve edhe atë: Granti i përgjithshëm 2.184.912€, Granti për arsim 2.769.058€, Granti për shëndetësi 676.722€, Shërbime rezidente 160.000€ dhe të Hyra vetanake 573.460€. Gjithsej buxheti është 6.364.152€, ka potencuar ajo, duke kërkuar që Projektet kapitale të jenë saktë të emërtuara pasi që mund të sjellin probleme në kohën kur bëhet realizimi dhe pagesa për to, nëse ndryshon emri i projekteve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara