Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-kryeministri i Maqedonisë, Ljubço Georgievski, në një intervistë për të përditshmen “Utrinski Vesnik” ka thënë se Maqedonia s’ka asnjë rrënjë apo gjurmë, që ndërlidhet me historinë antike (greko-maqedonase)”. Ai ka shtuar se “rrënjët e popullit maqedonas, janë sllave”, ndërkohë që ka akuzuar qeverinë për propagandë dhe për antikuizim. “Argumenti kryesor i pushtetit aktual është se nëse do t’i vëmë një parashtresë emrit të shtetit, të tipit “e epërme” ose “veriore”, do ta ndryshojmë identitetin e popullit maqedonas. Nuk ka ndryshim më të madh për identitetin e njeriut, nga ky që i është bërë popullit maqedonas nga ana e OBRM-PDUKM-së. Ndryshimi i parë i identitetit u bë me ndërhyrjen e parë në historinë për antikuizicion që u bë pa kurrfarë baze… As që ka gjurmë dhe rrënjë që ndërlidhen me historinë antike. Momenti i dytë për ndryshimin e identitetit është invazioni masiv nëpërmjet medieve, që tërësisht kontrollohen nga OBRM-PDUKM të cilat emitojnë program paradoksal që e ndryshon kodin e identitetit”, thotë ish-kryeministri dhe ish-lideri i partisë OBRM-PDUKM, Ljubço Georgievski.
