Kryetari Bashota i dorëzon famullisë ‘”Zoja e Këshillit të mirë”, vendimin e ndarjes së tokës për ndërtimin e kishës në Deiq

13/09/2016 Institucionet

Vendimin për ndarjen e një parcele në sipërfaqe prej 2115 m2, për shfrytëzim pa kompensim për 99 vjet, për ndërtimin e Kishës në fshatin Deiq si dhe ndarjen e një parcele në sipërfaqe prej 1000 m2 për ndërtimin e një Xhamie në fshatin Kpuz, Kuvendi i Komunës së Klinës e kishte marr me propozim të Kryetarit Sokol Bashota, në muajin qershor të këtij viti.

Kryetari i Komunës së Klinës, z. Sokol Bashota i shoqëruar nga nënkryetari, Enver Berisha, Kryesuesi i Kuvendit Komunal, Haxhi Ibishi dhe drejtorë të Administratës së Komunës morën pjesë në Meshën e së Dielës në Kishën “Zoja e Këshillit të Mirë” në Klinë. Meshë kjo e para e mbajtur pas shenjtërimit të Nënës Terezë.

Kryetari Bashota duke ju drejtuar Famullitarit të Kishës, Don Lorenc Sopit dhe qindra besimtarëve pjesëmarrës në këtë Meshë tha se është kënaqësi e nderë të marr pjesë bashkë më gjithë këta besimtarë në një meshë përkushtimi e lutjeje ndaj krijuesit. E sidomos në meshën e parë, një javë pas shenjtërimit të Nënës Terezë. Në vazhdim të fjalës së tij, kryetari Bashota, tregoi edhe arsyen tjetër të pjesëmarrjes së tij në këtë meshë të madhe e që ishte dorëzimi i vendimit të Kuvendit Komunal të Klinës për dhënien në shfrytëzim afatgjatë të një hapësire publike për ndërtimin e një kishe në fshatin Deiq të Komunës së Klinës, sipas kërkesës së Administraturës Apostolike të Prishtinës, përmes Famullisë “Zoja e Këshillit të Mirë” në Klinë. “Me qellim të ndihmës ndaj institucioneve fetare për realizimin e aktiviteteve të tyre si dhe duke e parë interesimin e banorëve si dhe gatishmërinë e donatorit për realizimin e projektit, i propozova Kuvendit Komunal që të merr vendim për ndarjen e një parcele për ndërtimin e një kishe në fshatin Deiq. Pas shqyrtimit të propozimit, Kuvendi i Komunës së Klinës miratoi me vota unanime propozimin dhe mori Vendim. Këtë Vendim që unë tani do të ja dorëzoj Famullitarit tuaj Don Lorenc Sopit” theksoi kryetari Bashota.

Ndërkaq, Famullitari i Famullisë “Zoja e Këshillit të Mirë” dhe Dekani i Dekanatit të Pejës, Don Lorenc Sopi pasi pranoi Vendimin nga kryetari Bashota, mes të tjerave tha: “Falënderoj kryetarin Sokol Bashota për këtë dhuratë të madhe. E falënderoj për mirëkuptimin e tij ndaj Institucioneve fetare dhe kërkesave tona. Përkrahja e tij është dashuri ndaj zotit. Ftesa e Zotit dërguar për të gjithë ne është qe ne si popull të besojmë më shume në Zotin dhe besimi ynë të jetë i qëndrueshëm dhe i bazuar ne vullnetin e Tij, që d.m.th, përveç besimit edhe zbatimin e urdhrit të dashurisë si ndaj Zotit ashtu edhe ndaj të afërmit, pa dallim përkatësie fetare”.

Kontrolloni gjithashtu

Kryetari Latifi Në takimin e fundit për këtë vit me drejtorët e drejtorive komunale ka vlerësuar punën e përbashkët

Në takimin e fundit për këtë vit me drejtorët e drejtorive komunale, kryetari i komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara