Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë qëndrimit në Prishtinë, kryetari i Bashkisë së Tiranës, Erion Veliaj u prit në takim edhe nga kryeministri, Isa Mustafa. Ata biseduan për përparimin që po arrihet në Shqipëri dhe Kosovë dhe për përmirësimin e kushteve për jetë më të mirë për qytetarët e të dyja vendeve. Kryeministri, Isa Mustafa e njoftoi kryetarin e Bashkisë së Tiranës, Erion Veliaj për zhvillimet në Kosovë si dhe për prioritetet e Qeverisë për zhvillim ekonomik, mirëqenie sociale, avancim të infrastrukturës dhe të kualitetit të jetës së qytetarëve, në të gjitha aspektet. Ndërkohë, kryetari i Bashkisë së Tiranës, Erion Veliaj, duke e falënderuar kryeministrin Mustafa për pritjen, e njoftoi për angazhimet dhe rezultatet kryesore të punës së tij në këtë fazë, në krye të Bashkisë së Tiranës. Ai foli më tutje edhe për përkushtimin e gjithanshëm të Shqipërisë për thellimin e bashkëpunimit dhe të shkëmbimeve me Kosovën.
