Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kisha Ortodokse Kombëtare e Pavarur Shqiptare, “Shën Maria”, në Elbasan, mbështet studentët e Universitetit të Prishtinës. Në një deklaratë për portalin infoelbasani.al kreu i kësaj kishe, At Nikollë Marku u shpreh se “Kisha Ortodokse Kombëtare Shqiptare e themeluar nga Kryepeshkopi Imzot Fan Noli ka përcaktuar territorin, besimin dhe objektet e kultit. Ato i përkasin kombit shqiptar dhe kushdo që tenton të manipulojë me ndërtime fantazmë si në Prishtinë apo kudo qoftë, bën gabime të vjetra luftënxitëse. At Nikollë Marku thotë se askush nuk mund të cenojë territorin shqiptar në Kosovë e aq më tepër në Prishtinë nën petkun e Milosheviqit dhe me kambanat e kishës serbe. Ai ka fajësuar direkt patriarkun e Serbisë Irinej, i cili mban përgjegjësi teologjike dhe kristiane për shovinizmin e tij kundër kombit shqiptar. Çdo investim në emër të besimit ortodoks në Prishtinë i ngjan investimeve famëkëqija të ISIS-it që po gjakos botën. “Kosova nuk mund të pushtohet me fantazma pseudo fetare apo spirituale. At Nikolla u jep mbështetje të plotë studentëve dhe patriotëve të Kosovës, për të cilët thotë se me mirëkuptim hyjnor do të kapërcejnë politikat hegjemoniste dhe primitive të Serbisë. Ai u bën thirrje studentëve që të mos e lëshojnë asnjë pëllëmbë tokë, pasi janë në të drejtën e Zotit.
