Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryekuvendari, Kadri Veseli dhe kryeministri, Mustafa pritet të ftojnë në takim kryetarët e partive opozitare në Kosovë, në fillim të muajit tetor, me qëllim për të diskutuar për çështjen e projektligjit, lidhur me caktimin e vijës kufitare në mes të Kosovës dhe Malit të Zi. Mustafa ka thënë për RTK-së se për problemet e krijuara në vend për shkak të marrëveshjës së demarkacionit me Malin e Zi, ka biseduar edhe në New York me drejtuesit e disa shteteve dhe përfaqësues të organizatave ndërkombëtare. “Unë do të ftoj në një takim përfaqësuesit e opozitës në fillim të tetorit dhe së bashku me kryetarin eKuvendit, partnerin kryesor të koalicionit, do të bisedojmë me ta. Do të iu ofrojmë edhe njëherë informatat që kemi marrë nga terreni dhe përfaqësuesit e institucioneve të Kosovës për gjendjen faktike në terren. Mustafa thotë se ua ka bërë me dije faktorit ndërkombëtar se Kosova nuk ka probleme me Malin e Zi, ashtu siç është pasqyruar në publik, por ka opozitën në vend e cila vazhdon të besojë se Kosova humb territor me marrëveshjen e demarkimit të kufirit me Malin e Zi.
