Fjala e kryetarit Asllanaj, për ” Festarin 2016 “

25/09/2016 Institucionet

Në Suharekë u shënua 15 vjetori i “Festarit”, ku i pranishëm ishte edhe  kryetari i komunës së Suharekës z.Sali Asllanaj, i cili tha se po takohemi përsëri bashkë në festën tonë tradicionale “Festari ”, po takohemi për t`i vjelur dhe promovuar rezultatet e aktiviteteve tona që rezultojnë në suksese, ku ju keni merita të mëdha në këto suksese.

Këtë vit shënojmë 15 vjetorin e “Festarit”. Ky vit është jubilar dhe tregon se qytetarët e komunës së Suharekës janë punëtorë me plot energji, me dashuri dhe vullnet shohin rritjen e fëmijëve, që janë gjeneratë me Festarin.

Karakteri i programit dhe misioni i Festarit është edukimi i brezave të ri për ruajtjen e traditës, zhvillimin e kulturës, sportit, humanizmit, vullnetarizmit dhe ekonomisë.

Festari është dëshmi e suksesit dhe bashkëpunimit tonë me shoqërinë civile, biznesin, pushtetit lokal dhe qendror.

Qytetet partnere të komunës së Suharekës janë rezultat i bashkëpunimit dhe mirëkuptimit, ne po punojmë bashkë për të forcuar marrëdhëniet tona në shumë fusha të jetës.

Shtatori na solli edhe një gëzim, u shenjtërua nëna jonë e dashurisë Shën Tereza, nëna e shqiptarëve dhe e botës, ne do të manifestojmë këtë gëzim gjatë Festarit.

Falënderimi im dhe i qytetarëve të komunës së Suharekës është për të gjithë njerëzit e vullnetit të mirë, që kontribuojnë në organizimin e Festarit, thuhet në fjalen e kryetarit të komunës së Suharekës z.Salih Asllanaj në shënimin e përvjetorit të “Festarit”.

Kontrolloni gjithashtu

Smajl Latifi: Në 26-vjetorin e rënies heroike përkujtuam dëshmorët e kombit, Visar Hotin dhe Safet Latifin

Kryetari i komunës së Rahovecit, z. Smajl Latifi, në 26-vjetorin e rënies heroike, në vendin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara