Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lëvizja Vetëvendosje ka paraqitur 5 propozime për hapat që duhet ndërmarr qeveria e Kosovës sa i përket demarkacionit me Malin e Zi. Kryetari, Visar Ymeri, në një konferencë për media, ka renditur pikat që do të mund të çonin deri në një zgjidhje të drejtë e të pranueshme sa i përket demarkacionit. Si pikë të parë, e ka renditur rishqyrtimin e marrëveshjes me Malin e Zi, ku ka kërkuar që Kuvendi të themelojë një komision gjithë-partiak e mbi-partiak i cili do t’i trajtonte modalitetet juridike të një rishikimi të marrëveshjes, të formonte një komision hetimor që do të hetonte marrëveshjen e 26 gushtit dhe procesin se si është arritur ajo. Po ashtu, Vetëvendosja kërkoi që kryeministri përmes një letre zyrtare të zotohet para institucioneve të BE-së për një zgjidhje të drejtë për shënjimin e kufirit me Malin e Zi si dhe të kërkoj të mos jetë pengesë në liberalizimin e vizave dhe si pikë të pestë, Vetëvendosje propozon mbajtjen e një konference ndërkombëtare për demarkacion në Prishtinë ku të ftuar do të ishin ekspertë vendorë e ndërkombëtarë.
