Fillojnë punimet në asfaltimin e rrugës Shtupel-Ranoc

28/09/2016 Institucionet

Projektet infrastrukturore në Komunën e Klinës nuk kanë të ndalur në qytet, po ashtu edhe në fshatra. Të mërkurën kanë nisur punimet në asfaltimin e rrugës Shtupel-Ranoc, e gjatë 2.8 km. Ky ka qenë ndër projektet prioritare dhe premtim i kryetarit të Komunës së Klinës, Sokol Bashota, i cili me bashkëpunëtorë, ka parë së afërmi fillimin e punimeve të kësaj rruge.

“ Po bëjmë përurimin e fillimit të punimeve të një rruge, e cila është shumë e rëndësishme për banorët e këtyre dy fshatrave. Rregullimi i kësaj rruge krijon lehtësi të madhe për banorët e të dy lokaliteteve të komunës së Klinës, Shtupel dhe Ranoc. Pushteti lokal vazhdon të mbetet i përkushtuar për të ndihmuar popullatën me realizimin e projekteve, qoftë në infrastrukturën rrugore, shkollore, në bujqësi, e shumë fusha tjera. Qëllim dhe obligim yni është krijimi i kushteve më të mira për jetesë të të gjithë banorëve të Komunës së Klinës dhe gradualisht, jemi duke e arritur këtë, pasi jemi duke investuar pa u ndalur në infrastrukturë në përgjithësi”, ka thënë me këtë rast kryetari i Klinës, Sokol Bashota.

Kjo rrugë që lidh dy fshatra ka qenë pothuajse e pakalueshme dhe me asfaltimin e saj krijohen lehtësi në lëvizjen e qytetarëve të kësaj ane.

Kontrolloni gjithashtu

Nënkolonel Besnik Fana, shpallet “Qytetar Nderi” i Deçanit

Nën kujdesin e kryetarit të Komunës, z. Bashkim Ramosaj, dhë nënkryetarit, z. Sami Cacaj, u …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara