Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjendja në veri të Kosovës është përmirësuar dukshëm viteve të fundit, kështu ka deklaruar kryeministri Mustafa, e kjo sipas tij ka ndodhur për shkak të bisedimeve që po bëhen mes Kosovës dhe Serbisë në kuadër të dialogut në Bruksel. “Gjendjen e vështirë në veri të vendit e kemi trashëguar nga UNMIK-u. Kemi vendosur sovranitetin në territorin e Kosovës. Kemi kufij me Serbinë, policinë e Kosovës e kemi atje dhe po punohet në rivitalizimin e urës së Ibrit që lidh dy pjesët e Mitrovicës. Edhe kompanitë në veri janë regjistruar dhe fiskalizuar. Gjendja e sigurisë atje është përmirësuar bindshëm. Kemi marrë masa edhe për zhvillimin ekonomik, duke themeluar një fond që të ndihmohet zhvillimi ekonomik i Leposaviqit, Mitrovicës së Veriut, Zubin Potokut dhe Zveçanit”, ka thënë Mustafa. “Përmirësimet janë rezultat i drejtpërdrejtë i bisedimeve në Bruksel”, ka shtuar ai duke përmendur se “dialogu po ndihmon në konsolidimin e shtetit duke krijuar marrëdhënie të normalizuara me Serbinë”, është shprehur kryeministri Mustafa.
